Lið lögreglunnar á Suðurnesjum sigraði í fyrstu Lögguhreystikeppninni sem fram fór laugardaginn 13. september s.l. |
Það voru 5 lið sem mættu til leiks en 10 – 12 lið höfðu tilkynnt um þátttöku en nokkur þeirra tilkynntu forföll á |
síðustu stundu, jafnvel svo seint að sumir liðsmanna viðkomandi liðs vissu ekki um að lið þeirra væri hætt við að mæta |
og mættu á staðinn. Hvert lið var skipað 4 aðilum og voru sum liðin skipuð bæði körlum og konum en önnur bara körlum. |
Mótið tókst mjög vel til en það fór fram á bílaplaninu við Lögregluskólann við Krókháls en einnig barst leikurinn inn |
í íþróttasal skólans. Talsvert var um áhorfendur og áhangendur liðanna á svæðinu til að fylgjast með og hvetja sitt lið. |
Undirbúningsnefnd skipuð þeim Aðalsteini Bernharðssyni, Ingólfi Má Ingólfssyni, Jóhanni Karli Þórissyni og Gylfa Þór |
Gíslasyni hafði veg og vanda að undirbúningi keppninnar. Aðalsteinn með kennara og nemendur úr lögregluskólanum stóð |
að tímatökum og dómgæslu ásamt Ingólfi. Gylfi Þór sem mætti með sínum mönnum að vestan fylgdist með að allt færi vel fram |
Besta brautartímann hjá körlunum átti Samúel A. W. Ólafsson Suðurnesjum 09:54 mín og besta tímann hjá konunum átti |
Ragna Hjartardóttir Stöð 5 LRH 10,59 mín. Elsti keppandinn var Hlynur Snorrason yfirlögregluþjónn á Vestfjörðum. |
Úrslit: |
1. Suðurnes með tímann 41,54 mín. |
2. Lögregluskólinn með tímann 44,41 mín. |
3. Stöð 5 LRH með tímann 46,31 mín |
4. Stöð 3 LRH með tímann 48,00 mín. |
5. Vestfirðir með tímann 48,13 mín. |
Verðlaunaafhending fór fram um kvöldið í Félagsheimili LR í Brautarholti. Suðurnesja liðið fékk farandbikar til varðveislu |
í eitt ár og eignabikar. Þrjú efstu liðin fengu verðlaunapeninga. |
Það er ljóst að keppni þessi er komin til að vera og má reikna með að á næsta ári mæti fleiri lið til leiks. Margir höfðu á |
orði að þeir söknuðu þess að sjá ekki lið frá Sérsveitinni, aldrei að vita nema þeir mæti á næsta ári. |