Reglur um Heiðursviðurkenningar ÍSL
     
1.   Merki ÍSL er veitt í 5 gráðum.
     
2. a) Merki ÍSL á bindisnælu:
    Merkið skal veita þeim er keppt hafa fyrir hönd ÍSL.
    Þeim er stjórn ÍSL telur að hafi unnið til þess á einn eða annan hátt.
     
  b) Merki ÍSL með bronslárviðarsveig:
    Bronsmerkið má veita þeim sem er setið hafa í stjórn ÍSL.
    Forystumönnum aðildarfélaga ÍSL svo og öðrum
    lögreglumönnum fyrir störf að ákveðnum verkefnum
    fyrir ÍSL.
    Þeim keppendum í hópíþróttum er ná að leika 10 leiki
    fyrir hönd ÍSL og þeim keppendum í einstaklingsíþróttum
    er keppt hafa á þremur landskeppnum/mótum (NPM - EPM)
    fyrir hönd ÍSL.
     
  c) Merki ÍSL með silfurlárviðarsveig:
    Silfurmerkið má veita þeim er starfað hafa að íþróttamálum lögreglu-
    manna í minnst 10 ár, innan aðildarfélaga ÍSL og/eða stjórnar ÍSL.
    Þó getur stjórn ÍSL veitt manni silfurmerki ÍSL ef sérstök ástæða
    þykir, án þess að 10 ára starfi sé náð.
     
  d) Merki ÍSL með gulllárviðarsveig:
    Gullmerkið má veita þeim einstaklingum sem innt hafa af höndum
    skipulags- stjórnar- og eða önnur störf að íþróttamálum lögreglumanna
    um lengri tíma, bæði innlendum- og erlendum aðilum. Einnig þeim sem
    hafa sýnt sambandinu einstaka ræktarsemi og/eða stuðning.
     
  e) Heiðurskross ÍSL er jafnarma, 4 cm silfurkross með gullmerki sambandsins í miðju,
    borin í borða í íslenskum fánalitum.
    Krossinn má veita fyrir langvarandi og frábær störf að íþróttamálum lögreglumanna.
    Stjórn ÍSL skal gera tillögu til þings ÍSL, um hverjir skulu sæmdir heiðurskrossi, sem
    þarf að samþykkja tillöguna.
     
3.   Merki þessi skal veita fyrir unnin störf frá stofnun ÍSL og skulu veitt
    í réttri röð. (Stjórn ÍSL tekur ákvörðun um úthlutun heiðursmerkja í liðum b, c og d.
                                                                  
 4.   Reglum þessum verður einungis breytt á þingi ÍSL.
     
    Breytt á stjórnarfundi 14. 04. 2010
    Breytt á þingi ÍSL 2014
    Breytt á þingi ÍSL 2016